Showing posts with label TravelWithKids. Show all posts

《親子旅遊，衝上雲霄的小人兒》




發覺好多人關心親子旅遊，和小朋友坐飛機係乜情況，要注意啲乜嘢，會唔會好困難，等等，兩歲前嘅情況我就唔再重複啦！講下兩歲後玥玥坐飛機時嘅狀況啦！

基本上，玥玥已經好清楚”坐飛機”係咩一回事，每次都算平安過度，不會大扭，只係有一次飛機好焗，佢就好炆熷，其餘的都ok，尤其呢兩次，直情happy。

經過上次日本之旅，玥玥鍾意左坐飛機，係屋企仲同我地玩cosplay，要我地扮空中服務員，佢當然就做乘客啦！講堅的，我們一家前後應該玩左幾十次。



遊戲如下:
⁃ 排隊上機(訓練排隊時要忍耐，要守秩序)
⁃ 扣好安全帶準備起飛(玥玥搵個頭cool當安全帶，教佢係機上除左換片都要扣好安全帶，因玥玥年紀尚小，好難清楚解釋幾時一定要扣，索性唔俾佢解開)
⁃ 準備空姐姐姐派飲品(玥玥會指定要Apple Juice，但問題不是每次都會派兩次飲品，所以要自己買定做back up，不想佢係機上失望而大扭)
⁃ 之後會扮開枱等派child meal(如果訂child meal，通常會派先，所以不用等太久，始終小朋友耐性有限，所以記得訂child meal呀)
⁃ 扮食完個meal就等空姐收餐盤(玥玥會自己收拾好餐具，靜靜等待，因為佢知道要乖先有第二轉飲品)
⁃ 又到第二轉飲品(玥玥會點orange juice，因為不想重覆，用盡呢啲機會，哈哈)
⁃ 飲飽食飽，就係瞓覺時間啦(呢點好重要㗎，瞓左半程機嘅話，時間過得好快啦！又可以差一差電玩)
⁃ 起身睇風景(開定窗等降落，望吓機外風景，brief定行程，目的地有乜玩)
⁃ 準備降落(我地會扮飛機著地嘭嘭嘭𠴱幾下，有曬心理準備，到時就無有怕)

至於機上電視，機程長，哭鬧太勁，迫不得已我都會開俾玥玥睇，呢個係飛機上專屬嘅福利，我三番四次話俾玥玥聽，要好特別情況先開來睇㗎！電子產品使用，每個父母準則唔同，盡力同隨心啦！

下次再講真實情況係點，我地又點安然渡過每一個親子之旅啦！
Travel

 《黃心三人遊世界，今次趕上潮流---Glamping去》


<點解揀Glamping先，why?why?why?>
來緊6月尾，其實係後日會同玥小姐去外地露營，第一次同佢挑戰三日兩夜，好期待。。。
準備期間諗返起係Adelaide去三日兩夜Glamping嘅快樂時光，Glamping係"glamorous camping"嘅縮寫，指讓人驚艷嘅野營，豪華的，輕鬆的，舒適的親親大自然，外國已經流行一陣子，香港最近好似好興(當然係香港我地都係like wild camping啦)，說真的，外國地方大，好多campsite，national park揸車就到，又有地方起d fix嘅屋呀，帳幕呀，廁所呀，咁真係可以舒舒服服輕輕鬆鬆咁就話去露營囉。
之前無諗過去Adelaide會Glamping，但今次係當地朋友安排，佢考慮到我地有兩個BB(一歲和半歲)，而且我地又唔方便帶自己嘅camping裝備，所以佢揀左係Deep Greek Conservation Park租間五藏俱全嘅靚屋。



<南澳保育區，自由自在嘅袋鼠地>
先介紹一下Deep Greek Conservation Park，位於Delamere，對面就係著名嘅Kangaroo Island，係南澳一大片保育區，係Adelaide揸個幾鐘車就到，內面有唔同住宿選擇，除左租間靚屋，一樣有camp site提供，你可以租個位camping。公園裡面有好多野生動物，一定有嘅係野生袋鼠啦！袋鼠大概聚居公園裡某幾個位置，你一定可以成功搵到佢地，放心，真係易過係動物園見袋鼠，而且d袋鼠係活潑亂跳，會望住你，又會對打，而且你會見到好多family走埋一齊，不是動物園可比。

仲有，公園內有成百種雀鳥俾你追蹤(我地隔離屋對老夫婦就係來觀鳥)，另外，可以揸車去最篤篤嘅崖邊欣賞南澳嘅海岸線，再行落去沙灘仔玩吓沙。留意番園區好多路線要四驅車先可以行駛，所以我哋個朋友為咗方便喺澳洲自駕遊，就買咗架二手四驅車，揸四驅車喺似探險多d嘅，哈哈。



<Glamping住乜？食乜？>
講返今次Glamping住間屋，基本上間屋呢就有齊客廳，飯廳，open kitchen，兩間房同一個大浴室，兩間房嘅距離有一條走廊，所以兩個family入住，BB喊都唔太會嘈到對方，有足夠私人空間，全屋透光範圍好多，自然光入屋令人感到非常寫意。
最開心有一個真。火爐，男士們見到個爐雙眼發光，起爐火，扔木頭對佢地都係一大娛樂。對我哋呢啲住係窩居嘅香港人來講，住一間有火爐嘅屋，就算一晚兩晚都係一件好幸福嘅事。



至於食方面，廚房內基本廚具餐具都齊，朋友就係屋企帶多咗好多調味料，同埋焗盆，咖啡壺，住宿係包早餐嘅，所以會有搽麵包嘅牛油同果醬，幾款Cereal俾你揀，如果唔嫌簡單，真係早餐都唔使買。
我地係超級市場入滿貨，要準備午餐，煮晚餐嘅食材，仲有零食呀！飲品呀！外國地方，一間大超級市場基本上都可以買齊所有嘢，我仲突登買左新鮮三文魚同牛奶俾玥小姐，三文魚產地梗係澳洲，價錢又平，而牛奶梗係來自Adelaide嘅牧場，好新鮮，玥小姐一歲後第一次飲嘅就係澳洲牛奶，哈哈，所以準備小朋友食物，係澳洲旅遊係完全不成問題，仲有澳洲食品下下都係有機，健康又美味。
我地午餐基本上都跟住外國人嘅步伐，食三文治，食批，食沙律，不會大吃大喝，到晚餐係屋仔先會炮製大餐，冇理由有個咁靚嘅open kitchen都唔用。



<Wild life係唔使準備做乜㗎！>
三日兩夜嘅節目就係揸車睇動物，睇風景。
---梗係有睇袋鼠啦！
出門尋找"隱世"野生袋鼠，比起野生樹熊，袋鼠確實隱藏不了，開車到佢地聚居嘅area，你張開眼看就是了，可能袋鼠體積傍大，而且跳嘅時候十幾尺高，非常易搵，落車慢慢行埋去睇都得，不過動作要慢d，靜d，(我地得到土生土長澳洲人指示先敢咋)。

---睇日落，睇星星係露營指定動作啩！
香港個天得豆腐潤咁細，去到出名天氣好嘅澳洲，唔睇日出，日落，星星就浪費啦！有小朋友嘅人就知睇日出有些難度，哈哈。日落就啱數d，之後返屋晚飯，好自在寫意。




---去沙灘玩沙囉！
澳洲出名沙灘多，但唔係個個都可以隨意游水，有d有鯊魚出沒，有d就適合滑浪，同埋因爲水流關係，可能d水係凍入心。但玩沙就幾時都適合，一邊野餐，小朋友一邊玩沙，吹吹海風，外國生活節奏就係咁上下啦！



---數星星，一顆兩顆三顆連成綫
尋找傳說嘅銀河，計啱時間外出觀星，因為無光害，就咁行出間屋已經滿天繁星，對澳洲朋友，見慣左，但我地同玥玥都無錯過數星星嘅機會，當然繼非洲之後，再一次睇到銀河，我諗起"The Guardian of Galaxy"。


<真正enjoy life>
旅行有時就係為左過一些平常不會過的生活，漫活對我地係奢侈品，三日兩夜總算負擔得起，早上一杯咖啡，看看窗外風光，之後外出走走，欣賞風景，追逐動物，晚上看著火爐加一杯熱朱古力，無電視，無上網，兩個家庭傾吓旅遊經，仔女經，工作，生活，英文雖爛但交出真心，無想過十年前旅行識嘅外國朋友會做了一輩子好友，感恩。


<Glamping試後感>
我個人都好喜歡Glamping，一天在外享受野外活動，但又有個安樂窩給你晚上談天說地，hea休息，感覺好寫意。
但係大少就比較偏好wild camp啦！不過佢都同意天氣凍，有小朋友一齊，咁就梗係Glamping啦！
deepcreek

《與峇里短敘，後感---交通篇》



平時旅行前都會上網搵吓料，但自己好少寫資訊性嘅blog，係時候貢獻少少一手資。
峇里始終都係倚重旅遊業嘅東南亞地方，謀生手法層出不窮，雖然來來去去得幾招，但都要小心小心。

世人最關心"機場點出市區"
---峇里機場都算近市區，如果出Kuta都係十分鐘左右，主要坐的士或者call Uber，
>Pre-paid taxi: 貴正常的士/Uber十倍，但安全，無需講價講到牙血出
>海鮮價的士：出閘後有好多自稱的士司機出場，你預左殺價，二折後應該就係正常價位
>Uber: 係international arrival𠴱邊，Uber司機係唔敢上客，所以要有得上網同司機溝通好係邊個停車場上車就最穩陣。
>Blue Taxi: 淺藍色，係淺藍色，淺藍色，重要的事講三次，淺藍色係跳錶的士，價錢公道，不過domestic arrival𠴱邊先有機會有車。
>酒店pick up: 貴但方便囉。
*價錢由機場到Kuta，大約Rp20,000-40,000，真係平㗎，所以試過Uber嫌短拒我載(因為入機場停車場都收Rp6,000，太短程無錢賺)。。。


最常使用市內(Kuta)交通
>>Call Uber: 講多少少，因為真係用得最多，基本上有上網咭同司機whatsapp，打電話佢地未必聽，因為的士司機會𥄫實Uber司機會不會講電話，所以Uber司機唔方便接電話喔，但係通常都call到車嘅，我見商場門口人人都等Uber車來接，所以應該好普遍。
>>坐Blue Taxi: 淺藍色，淺籃色，淺籃色，跳錶的，隨街見到，不過繁忙時段一車難求，但千祈唔好俾深籃色的士有機可乘，深籃色係海鮮價，除非你好熟價位，而可以講到一個心水價錢，否則上左車就任人劏喇。


Ubud交通體驗
>>包車: 係Ubud時，沒有見到BlueTaxi，Uber車數量相對Kuta嘅市區少好多，咁都可以選擇包車包司機。咁由以前到而家，我地通常都透過hostel搵車，雖然有機會貴少少，但一定安全可靠一些，hostel輸唔起你係網上俾負評囉！
>>踏單車: 好多hostel會免費借單車俾住客，經濟又實惠，沿路可以欣賞田野風光，我地係梯田都碰到一對情侶用單車環遊東南亞，正！
*係Ubud包一日車5-6個鐘約Rp200,000-250,000，而Ubud到Kuta約Rp250,000-300,000，相反係Kuta去Ubud就call Uber啦！只需大約Rp150,000咋！

仲有，發現好多遊客租電單車(綿羊仔)自駕遊，我地就無試啦！據聞唔check有無電單牌㗎，有d危險囉。

總之，小心深藍色taxi，企硬自己心目中價位，同埋如果真係蝕底左，咪當請人飲杯咖啡，唔好影響自己玩樂嘅心情啦！
Bali

《廉簾航不廉航？無BB真係會清靜？？》



最近某廉航設禁B區引起好多人關注，咁我地作為"無B"時係"旅遊人"，"有B"時係"三人行"嘅代表，而家嘗試分享自身經歷。
以前無B時，確實都會好關注附近坐d咩"短暫朋友"，不過相比
-過大體積漢子
-好興奮媽咪，咀不停
-超級煙民
-超級串友
我地對BB真係無驚過。

以自身過百次飛行經驗，遇到BB哭鬧5隻手指數曬，但碰到上述人士嘅機會一定多好多。再者，BB好似喊極最多一個鐘，佢地瞓覺時間比例一定多，可能多過大人架。
到而家有B喇，嘅然旅行經驗不少，咁我地都好知普遍大家會在意咩，所以我都有好好準備架，講少少準備咩啦
－自己，上落機時餵媽媽奶，咁BB對耳仔就唔會痛，無母乳，咪奶粉，果汁
－玥小姐至愛玩具
－零食一定要有
－一張被仔
－揹帶或hip seat (可以揹佢瞓覺覺豬)

第一次玥小姐坐廉航，4個半鐘，瞓多過咩，醒時食吓奶，俾個搖控佢玩吓，都好快到，隔離位一見BB，即刻同空姐要求調去第一行，話俾多D空間我地，咁空姐都無say NO，廉航喎。
第二次玥小姐就坐埃航，航空公司主動offer我地去最前排，又俾BB籃，玥小姐上機食食食，都有扭計架，我就揹佢行吓，有人都會眼望望，但其實BB扭時，要睇父母處理，人地見你又行又企，出盡法寶都唔得嘅話，可能或者條氣都順D吖，如果你都無預過點處理，咁又真係幾慘嘅。
總之，唔止飛機，坐咩公共交通工具，去咩公共空間，照顧好自己小朋友都係需要的，而人家不是故意的話，又不能嫌棄太多嘅。
互相尊重同包容啦！
TravelWithKids

快樂露營，東龍島，與孩同樂


你可能從無想過帶小朋友露營，又或者旅行，但明顯我地係覺得帶小朋友先正常(雖然有時都想二人來一次冒險)，正值香港開始入秋，係露營嘅好時候，今次三人遊世界去左香港東龍島露營。
一早從西灣河上船，係新碼頭落船，玥小姐同媽媽係士多坐下休息下，爸爸就去Set 好個營先，真係好方便！

第一次同玥小姐去露營，都驚佢唔習慣，點知佢一見到個草地係自己係到爬來爬去，小朋友有時真係估你唔到嫁！每事都好好奇，晚上仲識指住個天話比我哋聽有月亮。

見到佢個燦爛笑容，我地好滿足，亦好開心可以將自己喜歡大自然嘅態度感染呢位小朋友，就等我們一切欣賞外面嘅世界啦!
BTW，小朋友真係有感覺的，會識開心，唔開心，所以不要用佢地都唔識來做藉口，而唔帶佢地遊世界。
BebopYourWorld
Subscribe to: Posts (Atom)