Showing posts with label 戶外活動. Show all posts

《另類[動物]月---東非攻略 》



好多朋友都知我哋度蜜月係去左東非---坦桑尼亞。。。一向都鍾意睇動物，去睇動物大遷徙係我地必然嘅checklist，咁度蜜月就係最佳原因，哈哈。
Africa

 《黃心三人遊世界，今次趕上潮流---Glamping去》


<點解揀Glamping先，why?why?why?>
來緊6月尾，其實係後日會同玥小姐去外地露營，第一次同佢挑戰三日兩夜，好期待。。。
準備期間諗返起係Adelaide去三日兩夜Glamping嘅快樂時光，Glamping係"glamorous camping"嘅縮寫，指讓人驚艷嘅野營，豪華的，輕鬆的，舒適的親親大自然，外國已經流行一陣子，香港最近好似好興(當然係香港我地都係like wild camping啦)，說真的，外國地方大，好多campsite，national park揸車就到，又有地方起d fix嘅屋呀，帳幕呀，廁所呀，咁真係可以舒舒服服輕輕鬆鬆咁就話去露營囉。
之前無諗過去Adelaide會Glamping，但今次係當地朋友安排，佢考慮到我地有兩個BB(一歲和半歲)，而且我地又唔方便帶自己嘅camping裝備，所以佢揀左係Deep Greek Conservation Park租間五藏俱全嘅靚屋。



<南澳保育區，自由自在嘅袋鼠地>
先介紹一下Deep Greek Conservation Park，位於Delamere，對面就係著名嘅Kangaroo Island，係南澳一大片保育區，係Adelaide揸個幾鐘車就到，內面有唔同住宿選擇，除左租間靚屋，一樣有camp site提供，你可以租個位camping。公園裡面有好多野生動物，一定有嘅係野生袋鼠啦！袋鼠大概聚居公園裡某幾個位置，你一定可以成功搵到佢地，放心，真係易過係動物園見袋鼠，而且d袋鼠係活潑亂跳，會望住你，又會對打，而且你會見到好多family走埋一齊，不是動物園可比。

仲有，公園內有成百種雀鳥俾你追蹤(我地隔離屋對老夫婦就係來觀鳥)，另外，可以揸車去最篤篤嘅崖邊欣賞南澳嘅海岸線，再行落去沙灘仔玩吓沙。留意番園區好多路線要四驅車先可以行駛，所以我哋個朋友為咗方便喺澳洲自駕遊，就買咗架二手四驅車，揸四驅車喺似探險多d嘅，哈哈。



<Glamping住乜？食乜？>
講返今次Glamping住間屋，基本上間屋呢就有齊客廳，飯廳，open kitchen，兩間房同一個大浴室，兩間房嘅距離有一條走廊，所以兩個family入住，BB喊都唔太會嘈到對方，有足夠私人空間，全屋透光範圍好多，自然光入屋令人感到非常寫意。
最開心有一個真。火爐，男士們見到個爐雙眼發光，起爐火，扔木頭對佢地都係一大娛樂。對我哋呢啲住係窩居嘅香港人來講，住一間有火爐嘅屋，就算一晚兩晚都係一件好幸福嘅事。



至於食方面，廚房內基本廚具餐具都齊，朋友就係屋企帶多咗好多調味料，同埋焗盆，咖啡壺，住宿係包早餐嘅，所以會有搽麵包嘅牛油同果醬，幾款Cereal俾你揀，如果唔嫌簡單，真係早餐都唔使買。
我地係超級市場入滿貨，要準備午餐，煮晚餐嘅食材，仲有零食呀！飲品呀！外國地方，一間大超級市場基本上都可以買齊所有嘢，我仲突登買左新鮮三文魚同牛奶俾玥小姐，三文魚產地梗係澳洲，價錢又平，而牛奶梗係來自Adelaide嘅牧場，好新鮮，玥小姐一歲後第一次飲嘅就係澳洲牛奶，哈哈，所以準備小朋友食物，係澳洲旅遊係完全不成問題，仲有澳洲食品下下都係有機，健康又美味。
我地午餐基本上都跟住外國人嘅步伐，食三文治，食批，食沙律，不會大吃大喝，到晚餐係屋仔先會炮製大餐，冇理由有個咁靚嘅open kitchen都唔用。



<Wild life係唔使準備做乜㗎！>
三日兩夜嘅節目就係揸車睇動物，睇風景。
---梗係有睇袋鼠啦！
出門尋找"隱世"野生袋鼠，比起野生樹熊，袋鼠確實隱藏不了，開車到佢地聚居嘅area，你張開眼看就是了，可能袋鼠體積傍大，而且跳嘅時候十幾尺高，非常易搵，落車慢慢行埋去睇都得，不過動作要慢d，靜d，(我地得到土生土長澳洲人指示先敢咋)。

---睇日落，睇星星係露營指定動作啩！
香港個天得豆腐潤咁細，去到出名天氣好嘅澳洲，唔睇日出，日落，星星就浪費啦！有小朋友嘅人就知睇日出有些難度，哈哈。日落就啱數d，之後返屋晚飯，好自在寫意。




---去沙灘玩沙囉！
澳洲出名沙灘多，但唔係個個都可以隨意游水，有d有鯊魚出沒，有d就適合滑浪，同埋因爲水流關係，可能d水係凍入心。但玩沙就幾時都適合，一邊野餐，小朋友一邊玩沙，吹吹海風，外國生活節奏就係咁上下啦！



---數星星，一顆兩顆三顆連成綫
尋找傳說嘅銀河，計啱時間外出觀星，因為無光害，就咁行出間屋已經滿天繁星，對澳洲朋友，見慣左，但我地同玥玥都無錯過數星星嘅機會，當然繼非洲之後，再一次睇到銀河，我諗起"The Guardian of Galaxy"。


<真正enjoy life>
旅行有時就係為左過一些平常不會過的生活，漫活對我地係奢侈品，三日兩夜總算負擔得起，早上一杯咖啡，看看窗外風光，之後外出走走，欣賞風景，追逐動物，晚上看著火爐加一杯熱朱古力，無電視，無上網，兩個家庭傾吓旅遊經，仔女經，工作，生活，英文雖爛但交出真心，無想過十年前旅行識嘅外國朋友會做了一輩子好友，感恩。


<Glamping試後感>
我個人都好喜歡Glamping，一天在外享受野外活動，但又有個安樂窩給你晚上談天說地，hea休息，感覺好寫意。
但係大少就比較偏好wild camp啦！不過佢都同意天氣凍，有小朋友一齊，咁就梗係Glamping啦！
deepcreek

巴塔哥尼亞(Patagonia) －健行者的天堂




被稱為地球最南端的地區，巴塔哥尼亞橫跨阿根廷與智利兩國，以安第斯山脈為背景，阿根廷境內，擁有被National Geographic選為十五大遠足路線的＜Monte Fitz Roy＞，而智利方面，亦可以選擇人生必到五十個地方之一的＜百內國家公園＞。



Patagonia可概括分為幾個主要重鎮，包括遊冰川必經之地－El Calafate，阿根廷最年輕市鎮－El Chalten，世界最南城市－Ushuaia，各有特色，但都離不開闖進大自然，盡情享受戶外遠足的樂趣。
寧靜而優美的Laguna Capri
從El Chalten的北端開始，穿過San Martín Ave，走過半小時的斜坡路段，你有機會駐足欣賞的是De las Vueltas river山谷的全境，兩旁擁有看似無盡的山脈，大自然為你創作了一幅景緻迷人的風景畫，再繼續走60至90分鐘小道，沿途所見盡延綿不絕黃黃綠綠的灌木群，當然跟香港行山徑所見植物截然不同，畢竟這裡是地球的另一端。
當你進入森林路段，再到達分岔口時，距離這路線的目的地不遠了，分岔口左邊可到達Laguna Capri，而右邊則是Monte Fitz Roy及Piedras Blancas glacier觀景點，不過抵達Laguna Capri時，亦有機會飽覽Monte Fitz Roy及其周圍的山峰的獨特景緻，要視乎當地變幻莫測的雲霧，我就是沒有運氣的一群，Laguna Capri也是El Chalten熱門的露營營地，如果時間許可及準備充足，你都不妨考慮一下在當地露營。
點解我沒有選擇Piedras Blancas glacier那邊的路線呢？皆因我在El Calafate已經涉足了最受歡迎的冰川－Perito Moreno glacier，這個可以是世界上最親民的冰川之一，一日內來回的minitrekking tour就最適合體力不足的遊客，tour包括乘船遠觀冰川，亦有大約一小時行走冰上的體驗，所以花點時間議定那條健行路線最適合自己是必須的，Patagonia可以提供的選擇實在太多了。
完美的冰川山谷
前往Laguna Torre的路途最令人喜歡的因為困難程度很親民，普通人的普通體力也能順利完成，而且你付出的5－6小時，來回約23公里，便可一睹Laguna Torre配上Cerro Torre山谷及冰川的完美景像。
沿El Chalten的北面RN23出發，當看到超大Laguna Torre的路牌，轉左上山，之後沿一條很明確的路徑而行，路途大致都是平坦的山徑，雖然有很多分岔的小徑，但我們只需走上最明顯的一條大路即可，這條路線雖然有點曲折，但的確非常漂亮，沿山腰慢慢進入群山的懷抱，大概一個半鐘路程，你會遠遠看到Cerro Torre，之後的路段，我個人感覺似走進電影裡的"魔法森林"，走過高高而茂密的樹木群，森林很靜，樹木好像有生命一般，只有我們在探險，你終於發現你由香港這個繁榮城市走入另一個世界一樣。






三十分鐘以後，你需要向下走向河道旁，再走多三十分鐘，攀過一段充滿碎石和碎冰的斜坡，一張構圖極美的風景相就會出現在你眼前，以半結冰的Laguna Torre及雪山Cerro Torre為主角，冰川及他附近山峰為配襯。淒美的湖上有凌凌碎碎載浮載沉的浮冰，由湖後面的Cerro Torre冰川跌落，你可以隨便坐下來細心欣賞這個與世無爭的地方，但需要有心理準備迎接強風撲面，不要以為健行是在做運動不會凍，保暖衣物是不可缺少呀。
有人會選擇Campamento Base Jim Bridwell露營，明天繼續前進到更遠的Mirador Maestri，更近距離欣賞Cerro Torre，又或者沿相同路線回去El Chalten，結束這趟悠閒健行旅程。
麥哲倫眼中的《巨腳之領土》
葡萄牙探險家麥哲倫於16世紀初次登陸南美洲時，將這個地方取名Patagonia，意思是《巨腳之領土》，而當中的El Chalten則被譽為阿根廷健行首都(Trekking Capital)，El Chalten可以選擇的健行路線超過十條，難怪這個小山城能夠吸引全球健行人士來自我挑戰一番。
最著名的Monte Fitz Roy高三千四百零五米，被當地人稱為煙霧山，因為它的山尖終日被雲霧遮蓋，天氣好的時候，其實在鎮上已經可以看到Monte Fitz Roy，沒有過度開發與加建旅遊設備，再配合當地變幻無窮的天氣，讓登陸Mount Fitz Roy成為攀山愛好者渴望挑戰的險峰。
El Chalten人口不過百，面積大概只有3個維園大，居民以旅遊業為生，不論民宿或酒店都是小規模經營，因為房間有限，所以建議提早2-3個月就面要預訂。餐廳規模也是較小，你很容易找到機會跟其他行山人士交流一番，在El Chalten你真正可以好好享受只有健行，遠足，攀山的世界。
旅遊小tips
氣候：巴塔哥尼亞10月至3月天氣溫暖，但山區天氣變幻莫測，需要帶備防風防雨及禦寒的衣物。
天氣：10月氣溫約3℃~14℃
個人裝備：健行並不算太艱辛，但基本裝備不可少，特別是一對正規的登山鞋及合適的行山衣物，不宜穿波鞋牛仔褲。
想了解更多El Chalten，可以到以下網站：
簽證：持特區護照或BNO均毋須簽證
前往阿根廷：
可乘卡塔爾航空（Qatar Airways）經多哈及聖保羅前往布宜諾斯艾利斯，經濟客位票價$15,010起，詳情可查詢卡塔爾航空網址：www.qatarairways.com
前往Patagonia：
從布宜諾斯艾利斯可乘LAN或Aerolineas Argentinas的內陸機前往El Calafate或Ushuaia，詳情可查詢以下網址：
LAN網址：www.lan.com
Aero網址：www.aerolineas.com.ar
前往El Chalten：
從El Calafate可乘坐巴士前往，收費單程約＄230起，詳情可查詢以下網址：
Caltur網址：www.caltur.com.ar



貨幣：Argentine Peso1,000約兌HK$11.5
Argentina

黃心遊世界亞洲篇 <日本站- 沖繩慶良間群島潛水>



很多人到過沖繩，但當日元跌到1港元對6.2日元時，可能你會體驗到更多姿多采的沖繩。而且去沖繩旅遊必須揀可以落水的季節才有意思的，因為沖繩美麗的海洋世界就是它其中一個最大賣點，千萬不要錯過呢！
潛水之體驗
第一次係日本潛水，教練的認真程度已比其他東南亞國家出色很多，出發前已約定5個人潛水，三個係scuba diver，兩個係試fun dive，來回幾次e-mail問清楚身高，體重，詳細講解當日行程同安排，到左當日又不會隨隨便便就落水，要自己set好裝備，每個步驟同你review，如果係菲X賓，幫你整定，快D落水，快D散水啦！而初次fun dive嘅朋友，教練好細心講解，落著水又慢慢俾時間你適應，想當年我fun dive，二話不說就放晒你D氣，即刻沉你落水底，嚇死人。



一早係apartment 附近既便利店到等，買個便當，便坐船出發去慶良間群島(Kerama Island )，沖繩慶良間群島海底可能不是我見過最厲害的，但水都係清澈的，很多種小魚同珊瑚，仲有好幸運地一落水y就見到海龜，令人精神一振的時。教練帶領我地潛入一條窄窄的海溝，好似一個海入邊既山谷，我地就好似係個山谷中間度飛咁，那種感覺是完全不一樣，小心奕奕地去欣賞，一次全新體驗，不過沖繩都有一定水流，游到都好累，但當然是十分十分值得的。

 一日三次dive都係20000yen，即HKD1240，價錢真係好抵玩，因為教練本身好喜歡水底攝影，所以幫我地影左好多靚相，最重要係不另收費，全部相可以download，即日有得睇，佢其實係唔需要咁做，呢D真係窩心的，以前我跟過那些diving好，snorkling好，你想要相就加錢啦。所以話今次係沖繩潛水的滿意度係爆分，一定會再回來潛水。


窄窄的海溝



 下次會介紹下陸地上有乜玩，記得留意我地既更新啦！
KeramaIsland

黃心遊世界南美篇 <阿根廷站- El Calafate 冰川之旅>



如果有無限時間, 係可以由Buenos Aires坐車OR揸車去Calafate, 但可惜我無 (之後坐長途車機會多的是), 咁我地選乘可能係世界上<"最好">嘅Airline - LAN, 去到機場check-in櫃台先話我地知班機取消左, 仲用SMS通知我地喎, 我地香港電話號碼係阿根廷收唔到果個SMS喔! 點解無e-mail通知呢!!! 處理分流嘅地勤姐姐又點解唔知cancel左Calafate班機, 仲叫我地排多半個鐘隊先話我知呢!!! 之後又要去排另一個counter攪轉航班, 打亂晒我地個plan, 又害我地俾多一晚hostel $, 賠償梗係無, 我地唯有折返hostel再作打算, 浪費左大半日時間，機場巴士講緊七，八十蚊一個人，車費都浪費晒。
第二日終於順利上機出發去Calafate, Calafate係位於Patagonia Area, Patagonia係著名行山天堂, 範圍好大, 橫誇阿根廷同智利架, 我地都係淺嘗呢一片行山天堂咋. 班機會係Ushuaia停站上客, 即係南美洲最南城市, 哈, 咁我地都叫到一到啦! 如果去South Pole, 就係Ushuaia出發架喇!好恨去呀! 不過旅行嘅時候, 一定要學識取捨, 始終我地都係一對草根backpacker, 今次未有budget去南極住啫.




到左Calafate, 市中心有好多Steak House, 呢度好出名食炭燒架, Discovery Channel都介紹過好多次, 我地第一晚隨便閒逛, 去Supermarket入貨, 準備第2日去Chalten. Steak House就之後先試, hostel有廚房就要煮喇! 餐餐出街食, 唔窮死都悶死, (之後旅程多得大少化身大廚銘, 廚藝仲不斷進步架)


當日我都就報定去行Glacier嘅tour, tour分左minitrekking, big ice, etc….我地揀左Minitrekking, 即係體驗式咁行下個glacier, 而Big Ice就會行得深入D, 程度都難D, 大少為左遷就我, 都無可奈何咁去minitrekking個tour咋. 老實講, 係Calafate最主要都係要去Glacier, 之後都無乜特別地方好去.
由Chalten返來果晚, 我地就試左Steak House, 牛同羊都好食, 炭燒得好香, 份量都好多, 多到我地都食唔曬, 價錢好抵, 百幾蚊有一份牛or羊, 仲貪心叫左燒香腸, 好好食架, 想講汽水反而有D貴, 要十幾蚊支, (係南美食飯, 汽水比例上貴主糧好多好多), 來到點都要一試嘅, 之後打包左食剩嘅羊, 買左D包, 火腿, 芝士, 準備第二日glacier tour嘅lunch, tour係無包lunch架, 我地又怕去到捱貴嘢, 所以自備lunch box (之後證明係明智的，因為可以講係無嘢食你買).



終於來到期待已久嘅glacier, 一早出發, 坐左約兩個幾鐘車就到，其實早係三十幾年前，應該唔使點坐車就到，個Glacier越來越細，越縮越遠，唉，地球人真係要環保D，愛惜你地個家園，到左碼頭，轉程十零分鐘船，我同大少不顧寒風(真係凍到入骨)，死都企係船頭睇風景，因為越迫近，越震撼，D冰靚到好似有魔力咁，吸引住你。




到達個島上而未行冰川前，會有一個短短嘅Briefing，就係強調要環保，同行緊時，不要亂拋垃圾，要保護這片最親驗民，最易到達嘅Glacier。




正式行近個冰川喇，忽然大雪紛飛，我地即刻入個Tent度避一避，個Guide話Glacier嘅天氣好反覆，一時晴天，一時落雪，所以件外套最好係防風防水，咁就咩天氣都唔怕，雪停左，我地一行二十人就出去排隊著釘鞋，哈哈，我論盡豬就行得好慢，大少就一樣見步如飛囉。
行冰川真係有D難架，好講經驗，上都OK，落就驚驚，路只有一條，跟足個Guide嘅指示，你唔知邊個位D冰行得，有D冰薄到透明咁，折射出來嘅顏色係好靚，深藍，淺藍，湖水藍，D形狀不規則的，而一路睇冰川，睇極都好似"火焰雪山"，好想食呀！我地上上落落，個Guide都忍唔住要我行上前，我實在太慢同輪盡喇，中間個Guide帶我地睇一個好深嘅冰洞，大少第一個衝出去睇，個Guide都話個冰川地形千變萬化，冰洞又深，個顏色好靚，有機會都想試去BIG ICE個tour，哈哈。
全程大約行左個零兩個鐘，好開心呀! 其實唔會太攰但又可以體驗到冰川嘅壯觀，到達終點時，個Gudie會有個小小Surprise俾我地，即場整Whisky on Rock，D ICE係即刻𨮝架，佢地話無污染，好乾淨，所以D冰係用得嘅，慶祝完成之後，休息一下就坐船回程喇，大少又點會夠喉，可惜時間關係，我地只可以join mini－trekking。

返到間靚靚Hostel，對住個無敵靚view，hea到暈，我地就算煮飯食，都特別開心，個View係好舒服，又可以同D人吹吓水，旅行就係要咁啦！
離開前，我地行左去小鎮另一邊，有個湖，住左好多紅鶴，帶左三文治過去，一邊食一邊欣賞湖邊風光，輕輕鬆鬆渡過5天阿根廷南部之旅。

一早已經知道幾日唔能夠滿足我地對Patagonia Area嘅探索，計劃一定要再返來呢個地區，仲要去埋智利果邊，可能一向喜歡大自然，所以對呢D自然靚景真係好嚮往。
Argentina

黃心遊世界歐亞篇 <土耳其棉花堡>



未去之前已經知道土耳其出名風景靚，而Pamukkale－棉花堡可以話係其中一個最出名的，所以去土耳其應該必到Pamukkale啦！土耳其這個國家地方好廣闊，要看你時間夠不夠，再選擇遊覽那幾個地方同用什麼交通工具，那一次土耳其trip，我們只去了最有名的Istanbul－伊斯坦堡，Cappadocia－卡帕多細亞，Pamukkale同Antalya－安塔利亞，用了最平的交通方法－坐巴士，係南美洲坐巴士坐到慣晒嘅我地當然不覺得土耳其巴士有問題啦！哈哈

我地由Cappadocia一早出發，到差不多黃昏就到Pamukkale，果次搵hostel都算有D印象，因為巴士只會係公路旁放低你，而公路旁有好幾個分岔口，靠hostel提供嘅地圖同我地無數搵hostel經驗，我地都要成大半個鐘時間先搵，Pamukkale不是城市，沒有清晰街道名，hostel又同民居無分別，所以有D心理準備要好好搵一搵，休息左一陣，我地就即刻出去睇吓周圍環境先，Pamukkale有一條大路，你沿住條大路好快就見到個所謂市中心，棉花堡入口就係附近，說到底，Pamukkale就係圍住棉花堡而生，這裡也只有棉花堡。

晚餐時，想找那間Pamukkale好有名的日本餐廳，因為真係日本人主理，而旅途上對中東"美食"真的怕怕了，好可惜，日本太太剛剛返日本探親，餐廳休息，如果有機會再去，都會想試試呢間日本餐廳，但係那個市中心不難找到其他餐廳醫肚，但價錢都不算抵，你還可以順便買定回程巴士票，咁時間就好預算D。

第二日正式開始遊覽棉花堡，這裡因為有潔白如雪的沉積岩形成一層層好像是城堡的地形而命名，不過曾經因為過度開發，棉花堡都變黃了，幸好土耳其政府醒覺，明白保育的重要性，棉花堡才得以回復舊觀，可惜面積也大幅減少，人總要犯同樣錯誤，唉。
進入棉花堡範圍，係需要除鞋，其實咁都幾好玩，溫泉水就這樣流過你雙腳，雖然有時岩石有點刺腳，但行行吓就會慣架喇，平時行石澗訓練有素，當然偶爾你會見到"某強國"人都係唔聽話，著涼鞋或堅持著那對肉色絲襪，棉花堡係咁出名的點名，佢地又點會唔出現吖，所以話最好一早開門襯旅行團未到就入場，享受一下寧靜而美麗的棉花堡。


雖然棉花堡因為旅遊人數太多造成破壞，而且水源又不足，已經開始慢慢褪色，但親眼看到這個由棉花打造的堡壘，都仍然覺得好靚，好吸引，好想知道當年初初興起這個景點時，棉花堡究竟可以靚成點，由門口慢慢走上山上，那一段路真係大把影相位，你又可以坐低慢慢欣賞，只有短短一，二百米路，行兩個鐘都得，真係好好hea架。



上到山頭，有一個羅馬遺址，話說當年，古羅馬人已經係度嘆世界，浸溫泉，遺址可觀性都不錯，邊休息邊影相，又幾好hea，hea下hea下，竟然有人sell我地玩Paragliding－滑翔傘，諗左幾秒，講左一陣價，即刻出發來個即興Paragliding，真係無諗過係棉花堡有得玩，由後門出去棉花堡，係無啦啦由後門走人，之後佢地會送番我地去後門入番場，不用浪費你的門票，係咪好神奇呢! 跟車去到另一個山頭，穿上裝備，簡單講極一吓，衝呀! 好快就飛上棉花堡上空，由高角度欣賞，棉花堡範圍其實不大，不過整個Pamukkale風景都幾靚，正，永遠上天下海都會為我地帶來無窮樂趣，價錢算好抵，大約一百美金一個人，加少少錢仲有相，呢D土砲攪手，經濟又實惠，我相信去市中心幫襯Paragliding，都好可能搵番呢一班人做，果度咁細，D人來來去去都得咁多，佢地應該識晒，最後我地睇埋日落先離開，日落都幾靚，講多無謂，睇吓D相，總之我地就過左一個開心又愉快嘅一日。


到第三日，走之前，我地又再入去棉花堡行，因為呢個地方確實無嘢做，除非你搵當地旅行社睇吓有咩local tour參加，但來得Pamukkale，咁我揀左再入棉花堡hea，入場費10歐，話貴唔貴，平又唔算，當保育費啦! 如果你俾多少少額外錢，裡面有個羅馬式溫泉池可以游水，我地就無游喇，整係坐係隔食burger，其實係怪怪地，好多人係度食嘢望住你，個池D水又不算清，又不算暖(我去時天氣仲係凍)，基於幾個理由，我地無落水，而水池都得幾個人。

最後想話睇相棉花堡係好靚，見到真身落差不算大，只係原來面積好細，不夠震撼我地囉，對土耳其這地方確實存在好大希望，所以可能令自己有小小失望啦!
Backpack
Subscribe to: Posts (Atom)