《伊豆半島就係潛水勝地---但成世無諗過咁睇魚囉!!!!!》
話說去到伊東個碼頭，見到水好清澈，有好多魚仔，玥小姐係度睇吓魚仔，又追海鷗咁，行吓行吓，有人sell你坐船出海，隻船係有地下一層俾你睇魚嘅。
我地考慮左一陣，為左俾玥小姐睇吓魚，餵吓海鷗，竟然真係坐玻璃船出海睇魚，我心理關口好難先過得到，個船係兜一個圈，出到島之後回頭，約45分鐘，盛惠每人¥1600，只收現金。
果然係船倉玻璃窗見到好多魚仔，玥小姐亦好興奮，可惜只有開船前同泊岸先係碼頭見到魚，出左海，船一路開，只有泡同泡。所以開船後，我地上左最上層玩雀。如果出到海停一停船，俾我地睇多次魚魚就好啦！
BTW，全程有導遊"日文"介紹，唔該曬！
