《徒步遊走火山湖,菲律賓皮纳圖博火山,Mount Pinatubo》

1:57:00 PM Yellowsumtravel 0 Comments


《徒步遊走火山湖,菲律賓皮纳圖博火山,Mount Pinatubo》
Mount Pinatubo,皮纳圖博火山,位於菲律賓北部 Clark克拉克附近的一個火山。對上一次爆發是在1991 年,爆發後在火山口形成了一個火山湖。遊人可在克拉克找Local Tour出發,一早從克拉克坐四驅車穿越火山帶,到最後再沿河流步行約十公里山澗便到達Lake Pinatubo。
落四驅車後,基本上是沿住山谷和石澗上山,一路走會見到很多火山岩,不同形狀的石頭,甚至是硫磺等礦物,同平時行山既風景好唔同,地形較為荒涼一點,始終自上次爆發只過了約二十多年的時間,大部份的植物也是剛剛成形呢。

過了最後的一個山坳,一轉身便會見到整個火山湖!由於湖水內充滿礦物,湖水完全不透明,反而是湖水綠顏色,類似Tiffany的綠色,湖內沒有任何生物。我們二話不說便跳住湖內游水呢,



回程走沿路,回到克拉克已經是大約下午六時多了,是不個不錯的Day Tour !
-------------------------------------------------------------------------
皮纳圖博火山Day Tour 公司資料,也可從馬尼拉出發: 

《伊豆半島就係潛水勝地---但成世無諗過咁睇魚囉!!!!!》

12:23:00 PM Yellowsumtravel 0 Comments





話說去到伊東個碼頭,見到水好清澈,有好多魚仔,玥小姐係度睇吓魚仔,又追海鷗咁,行吓行吓,有人sell你坐船出海,隻船係有地下一層俾你睇魚嘅。



我地考慮左一陣,為左俾玥小姐睇吓魚,餵吓海鷗,竟然真係坐玻璃船出海睇魚,我心理關口好難先過得到,個船係兜一個圈,出到島之後回頭,約45分鐘,盛惠每人¥1600,只收現金。










果然係船倉玻璃窗見到好多魚仔,玥小姐亦好興奮,可惜只有開船前同泊岸先係碼頭見到魚,出左海,船一路開,只有泡同泡。所以開船後,我地上左最上層玩雀。如果出到海停一停船,俾我地睇多次魚魚就好啦!
BTW,全程有導遊"日文"介紹,唔該曬!

《另類[動物]月---東非攻略 》

12:30:00 AM Yellowsumtravel 1 Comments



好多朋友都知我哋度蜜月係去左東非---坦桑尼亞。。。一向都鍾意睇動物,去睇動物大遷徙係我地必然嘅checklist,咁度蜜月就係最佳原因,哈哈。

 《黃心三人遊世界,今次趕上潮流---Glamping去》

1:06:00 AM Yellowsumtravel 0 Comments


<點解揀Glamping先,why?why?why?>
來緊6月尾,其實係後日會同玥小姐去外地露營,第一次同佢挑戰三日兩夜,好期待。。。
準備期間諗返起係Adelaide去三日兩夜Glamping嘅快樂時光,Glamping係"glamorous camping"嘅縮寫,指讓人驚艷嘅野營,豪華的,輕鬆的,舒適的親親大自然,外國已經流行一陣子,香港最近好似好興(當然係香港我地都係like wild camping啦),說真的,外國地方大,好多campsite,national park揸車就到,又有地方起d fix嘅屋呀,帳幕呀,廁所呀,咁真係可以舒舒服服輕輕鬆鬆咁就話去露營囉。
之前無諗過去Adelaide會Glamping,但今次係當地朋友安排,佢考慮到我地有兩個BB(一歲和半歲),而且我地又唔方便帶自己嘅camping裝備,所以佢揀左係Deep Greek Conservation Park租間五藏俱全嘅靚屋。



<南澳保育區,自由自在嘅袋鼠地>
先介紹一下Deep Greek Conservation Park,位於Delamere,對面就係著名嘅Kangaroo Island,係南澳一大片保育區,係Adelaide揸個幾鐘車就到,內面有唔同住宿選擇,除左租間靚屋,一樣有camp site提供,你可以租個位camping。公園裡面有好多野生動物,一定有嘅係野生袋鼠啦!袋鼠大概聚居公園裡某幾個位置,你一定可以成功搵到佢地,放心,真係易過係動物園見袋鼠,而且d袋鼠係活潑亂跳,會望住你,又會對打,而且你會見到好多family走埋一齊,不是動物園可比。

仲有,公園內有成百種雀鳥俾你追蹤(我地隔離屋對老夫婦就係來觀鳥),另外,可以揸車去最篤篤嘅崖邊欣賞南澳嘅海岸線,再行落去沙灘仔玩吓沙。留意番園區好多路線要四驅車先可以行駛,所以我哋個朋友為咗方便喺澳洲自駕遊,就買咗架二手四驅車,揸四驅車喺似探險多d嘅,哈哈。



<Glamping住乜?食乜?>
講返今次Glamping住間屋,基本上間屋呢就有齊客廳,飯廳,open kitchen,兩間房同一個大浴室,兩間房嘅距離有一條走廊,所以兩個family入住,BB喊都唔太會嘈到對方,有足夠私人空間,全屋透光範圍好多,自然光入屋令人感到非常寫意。
最開心有一個真。火爐,男士們見到個爐雙眼發光,起爐火,扔木頭對佢地都係一大娛樂。對我哋呢啲住係窩居嘅香港人來講,住一間有火爐嘅屋,就算一晚兩晚都係一件好幸福嘅事。



至於食方面,廚房內基本廚具餐具都齊,朋友就係屋企帶多咗好多調味料,同埋焗盆,咖啡壺,住宿係包早餐嘅,所以會有搽麵包嘅牛油同果醬,幾款Cereal俾你揀,如果唔嫌簡單,真係早餐都唔使買。
我地係超級市場入滿貨,要準備午餐,煮晚餐嘅食材,仲有零食呀!飲品呀!外國地方,一間大超級市場基本上都可以買齊所有嘢,我仲突登買左新鮮三文魚同牛奶俾玥小姐,三文魚產地梗係澳洲,價錢又平,而牛奶梗係來自Adelaide嘅牧場,好新鮮,玥小姐一歲後第一次飲嘅就係澳洲牛奶,哈哈,所以準備小朋友食物,係澳洲旅遊係完全不成問題,仲有澳洲食品下下都係有機,健康又美味。
我地午餐基本上都跟住外國人嘅步伐,食三文治,食批,食沙律,不會大吃大喝,到晚餐係屋仔先會炮製大餐,冇理由有個咁靚嘅open kitchen都唔用。



<Wild life係唔使準備做乜㗎!>
三日兩夜嘅節目就係揸車睇動物,睇風景。
---梗係有睇袋鼠啦!
出門尋找"隱世"野生袋鼠,比起野生樹熊,袋鼠確實隱藏不了,開車到佢地聚居嘅area,你張開眼看就是了,可能袋鼠體積傍大,而且跳嘅時候十幾尺高,非常易搵,落車慢慢行埋去睇都得,不過動作要慢d,靜d,(我地得到土生土長澳洲人指示先敢咋)。

---睇日落,睇星星係露營指定動作啩!
香港個天得豆腐潤咁細,去到出名天氣好嘅澳洲,唔睇日出,日落,星星就浪費啦!有小朋友嘅人就知睇日出有些難度,哈哈。日落就啱數d,之後返屋晚飯,好自在寫意。




---去沙灘玩沙囉!
澳洲出名沙灘多,但唔係個個都可以隨意游水,有d有鯊魚出沒,有d就適合滑浪,同埋因爲水流關係,可能d水係凍入心。但玩沙就幾時都適合,一邊野餐,小朋友一邊玩沙,吹吹海風,外國生活節奏就係咁上下啦!



---數星星,一顆兩顆三顆連成綫
尋找傳說嘅銀河,計啱時間外出觀星,因為無光害,就咁行出間屋已經滿天繁星,對澳洲朋友,見慣左,但我地同玥玥都無錯過數星星嘅機會,當然繼非洲之後,再一次睇到銀河,我諗起"The Guardian of Galaxy"。


<真正enjoy life>
旅行有時就係為左過一些平常不會過的生活,漫活對我地係奢侈品,三日兩夜總算負擔得起,早上一杯咖啡,看看窗外風光,之後外出走走,欣賞風景,追逐動物,晚上看著火爐加一杯熱朱古力,無電視,無上網,兩個家庭傾吓旅遊經,仔女經,工作,生活,英文雖爛但交出真心,無想過十年前旅行識嘅外國朋友會做了一輩子好友,感恩。


<Glamping試後感>
我個人都好喜歡Glamping,一天在外享受野外活動,但又有個安樂窩給你晚上談天說地,hea休息,感覺好寫意。
但係大少就比較偏好wild camp啦!不過佢都同意天氣凍,有小朋友一齊,咁就梗係Glamping啦!

《與峇里短敘,後感---交通篇》

12:54:00 AM Yellowsumtravel 0 Comments



平時旅行前都會上網搵吓料,但自己好少寫資訊性嘅blog,係時候貢獻少少一手資。
峇里始終都係倚重旅遊業嘅東南亞地方,謀生手法層出不窮,雖然來來去去得幾招,但都要小心小心。

世人最關心"機場點出市區"
---峇里機場都算近市區,如果出Kuta都係十分鐘左右,主要坐的士或者call Uber,
>Pre-paid taxi: 貴正常的士/Uber十倍,但安全,無需講價講到牙血出
>海鮮價的士:出閘後有好多自稱的士司機出場,你預左殺價,二折後應該就係正常價位
>Uber: 係international arrival𠴱邊,Uber司機係唔敢上客,所以要有得上網同司機溝通好係邊個停車場上車就最穩陣。
>Blue Taxi: 淺藍色,係淺藍色,淺藍色,重要的事講三次,淺藍色係跳錶的士,價錢公道,不過domestic arrival𠴱邊先有機會有車。
>酒店pick up: 貴但方便囉。
*價錢由機場到Kuta,大約Rp20,000-40,000,真係平㗎,所以試過Uber嫌短拒我載(因為入機場停車場都收Rp6,000,太短程無錢賺)。。。


最常使用市內(Kuta)交通
>>Call Uber: 講多少少,因為真係用得最多,基本上有上網咭同司機whatsapp,打電話佢地未必聽,因為的士司機會𥄫實Uber司機會不會講電話,所以Uber司機唔方便接電話喔,但係通常都call到車嘅,我見商場門口人人都等Uber車來接,所以應該好普遍。
>>坐Blue Taxi: 淺藍色,淺籃色,淺籃色,跳錶的,隨街見到,不過繁忙時段一車難求,但千祈唔好俾深籃色的士有機可乘,深籃色係海鮮價,除非你好熟價位,而可以講到一個心水價錢,否則上左車就任人劏喇。


Ubud交通體驗
>>包車: 係Ubud時,沒有見到BlueTaxi,Uber車數量相對Kuta嘅市區少好多,咁都可以選擇包車包司機。咁由以前到而家,我地通常都透過hostel搵車,雖然有機會貴少少,但一定安全可靠一些,hostel輸唔起你係網上俾負評囉!
>>踏單車: 好多hostel會免費借單車俾住客,經濟又實惠,沿路可以欣賞田野風光,我地係梯田都碰到一對情侶用單車環遊東南亞,正!
*係Ubud包一日車5-6個鐘約Rp200,000-250,000,而Ubud到Kuta約Rp250,000-300,000,相反係Kuta去Ubud就call Uber啦!只需大約Rp150,000咋!

仲有,發現好多遊客租電單車(綿羊仔)自駕遊,我地就無試啦!據聞唔check有無電單牌㗎,有d危險囉。

總之,小心深藍色taxi,企硬自己心目中價位,同埋如果真係蝕底左,咪當請人飲杯咖啡,唔好影響自己玩樂嘅心情啦!